01. 03. 2018 11:48

Фенербахче по вторпат ги пречека Пинк Пантери

Фенербахче по вторпат ги пречека Пинк Пантери

Кошаркарскиот клуб Пинк Пантери со својата кадетска екипа изминатиот викенд гостуваше во Истанбул каде што беа гости на европскиот гигант Фенербахче.

Ова е второ гостување на Пинк Пантери кај актуелниот Европски кошаркарски првак, каде што кумановчани одиграа два пријателски натпревари со младинските состави на Фенербахче. Во тренинг центарот во Улкер арената на првиот натпревар Пантери извојуваа победа со резултат 70-64, додека на вториот натпревар домаќинот беше убедлив со резултат 84-66.

Иако резултатот беше во втор план, можеме да кажеме дека нашите кошаркари се носе рамноправно со противникот во двата натпревара. За време на престојот во Истанбул нашите кошаркари имаа можност во живо да го проследат Евролигашкиот натпревар помеѓу Фенербахче и Олимпија од Милано. Ние сме презадоволни од приемот и гостопримството, и се надеваме дека соработката ќе продолжи и во иднина - изјави Бојан Златковски, директор на клубот.