Куманово извојуваше победа во дербито против Пелистер

Победата на избраничките на Зоран Јосимовски е заслужена, бидејќи домаќинот во текот на целиот натпревар имаше поштојано водство.

Во првото полувреме домашниот состав одигра одлично во нападот и имаше водство кое во еден момент изнесуваше и 4 гола разлика. Во вториот дел Куманово продолжи во ист ритам и предводени од одличната Боризовска во еден момент имаше резултат од 23-17, што беше најава за сигурна победа.

Меѓутоа во финишот на мечот дојде до пад на концентрацијата на тимот, како и неколкуте грешки, што придонесе Пелистер да се закани во финишот на мечот.

Во решавачките моменти екипата беше на висината на задачата, а Трајковиќ го постигна победоносниот гол. Овој триумф е многу важен за продолжението на шампионатот, а воедно го искачи Куманово на второто место на табелата.

Натпреварот се одигра во салата на оу Христијан Карпос пред полни трибини, а публиката на крајот со заслужен аплауз ги испрати своите миленички за остварената победа.

Во екипата на Куманово со ефикасноста се истакнаа Пеовска со 7 гола, Боризовска го заврши натпреварот со 6 гола, додека Кипријановска погоди 4 пати.

Секако треба да се спомене и одличниот голман Наумоска која одлично го чуваше голот во текот на целиот мец.

Во екипата на Пелистер најрасположена за игра беше Величковска со 7 гола.

За ракометарките на Куманово нема одмор, па така веќе во четврток имаат нов настап во домашното првенство пртоив Деспина на домашен терен во 19:30 часот.

Убави вести пристигнаа и од пионерскиот состав на Куманово кој го пречека тимот на Ѓорче Петров каде забележаа сигурна победа од 16-10.

Пионерките на Куманово во првото полувреме имаа постојано водство, а благодарејки на ефикасноста првите 30 минути ги решија со водство од 8-4.

Во продолжението немаше ништо ново на теренот, Куманово со рутинска игра го одржуваше стекнатото водство, за да на крајот забележи победа од 16-10.

Во победничкиот состав на пионерките се истакна Тоневска со 4, како и Владевска и Јакимовска со по 3 гола.

Со оваа победа пионерките на Куманово ја потврдија првата позиција на табелата и најавија нова успешна сезона во својата конкуренција.