Зачленете се во нашиот клуб на читатели и најновите текстови ќе ги добивате на вашата мејл адреса
Во последното коло од есенскиот дел на Првата државна лига во одбојка за мажи, екипата на Одбојкарскиот клуб Куманово успеа пред својата публика да извојува прва победа во сезоната.
Екипата на Лирија од Жеровјане ја совладаа со 3:2 (25:21, 25:22, 23:25, 21:25, 15:9). По 2 тесни порази од Вардар (3:1) и Мавис Штип (3:2) стигна и прв „полн погодок“ во натпреварувањето. Пред малубројна публика, во студена Спортска сала, натпреварот донесе интересна борба. Во подмладениот состав, без 2 стандардни првотимци, одбојкарите на Куманово рутински дојдоа до предност од 2:0 во сетови. Потоа дојде до опуштање во играта со многу грешки и противникот успеа да изедначи на 2:2 во сетови. Во 5-тиот сет, популарниот тај-брејк, сепак Кумановчаните успеаа да се соземат и да го приведат мечот до крај во своја полза.