РК Карпош триумфираше во тежок натпревар против Ангели

Кумановскиот состав ја забележа четвртата победа по ред, меѓутоа во споредба со минатите натпревари овој меч не одеше глатко и според очекувањата.

Почетокот на натпреварот беше неизвесен бидејки тимот на Ангели неможеше да најде девет ракометари за да го одигра натпреварот. Дојдоа во мешан состав, некако го склопија тимот по што очигледно дојде до опуштање во нашите редови. Се испостави дека момчињата и девојчињата што го составија тимот на противникот се одлични ракометари. Во првото полувреме резултатот беше 11:9, а одбраната што е нашето најсилно оружје не функционираше воопшто. - изјави тренерот на тимот Миодраг Јовановски Црни.

Тој потенцираше дека голманите не биле на висината на задачата меѓутоа на крај сепак успеале да забележат победа на овој меч.

Голманите беа бледа сенка во однос на минатите натпревари. Имаа блесок во последните минути кога одбранија 3 удари, што беше доволно за победа. Сепак целиот овој развој на настаните претставува едно огромно искуство, од кое младите ракометари треба да извлечат поука и да не дозволат да им се повтори. Ова е одлична екипа која оваа сезона ја забележа четвртата победа по ред, а во изминатите две години во дваесетина натпревари доживеаа само два пораза, само во финалињата од првенствата - додаде Јовановски.