Зачленете се во нашиот клуб на читатели и најновите текстови ќе ги добивате на вашата мејл адреса
Ракометарите на Карпош Вардар родени 2004 година и помлади го освоија тунирот „Еден живот една љубов“, со што покажаа дека се работи за одлична генерација која има блескава иднина.
Тренерот на екипата Миодраг Јовановски Црни изјави дека е задоволен од прикажаното, и се надева дека во исто темпо ќе продолжат успесите и во првенството.
Имавме одличен турнир каде што го освоивме првото место. Нашиот ракометар Давид Димевски е прогласен за најдобар лев бек на турнирот. Минатата сезона завршивме како четврти, а овој пат го завршивме турнирот без пораз, што покажува голем напредок во нашата игра. - изјави Јовановски.
Освен оваа екипа, Карпош Вардар настапи со уште една екипа, ракометари од генерацијата 2006 и помали, кои успеаа да завршат на шестата позиција. Меѓу нив Глигор Трајковски е избран за најдобар голман на турнирот.
Покрај одличниот настап на турнирот, Карпош Вардар продолжува да се натпреварува во ракометната лига на Вардар, каде што се наоѓа на првата позиција.
Зачленете се во нашиот клуб на читатели и најновите текстови ќе ги добивате на вашата мејл адреса
