Зачленете се во нашиот клуб на читатели и најновите текстови ќе ги добивате на вашата мејл адреса
Седумнаесетгодишниот голман на Работнички Столе Димитриевски потпиша договор со италијанскиот прволигаш Удинезе.
Иако претходно се споменуваше дека ќе направи трансфер во грчки Олимпијакос, по одличните настапи во дресот на Работнички во Лига Европа ова лето, Димитриевски, сепак, се одлучи за прволигашот од Удине.
Во изминатите два дена, тој заедно со спортскиот директор на Работнички Игор Ангеловски престојувал во Италија, каде што биле водени разговори околу неговиот трансфер во Удинезе.
Голманот на Работнички е член на македонската репрезентација за играчи до 21 година. Тој е роден во Куманово, а во Удинезе ќе се пресели во декември, бидејќи тогаш ќе наполни 18 години, кога, според правилата, играчи надвор од ЕУ смеат да потпишуваат професионални договори со тимови од Италија.
Зачленете се во нашиот клуб на читатели и најновите текстови ќе ги добивате на вашата мејл адреса
