Зачленете се во нашиот клуб на читатели и најновите текстови ќе ги добивате на вашата мејл адреса
Сојузот на борците од Куманово пригодно ќе ја одбележи 75 годишнината од загинувањето на народниот херој Христијан Тодоровски Карпош.
По тој повод утре во 10.30 часот делегации ќе положат цвеќе пред бистата, а има пригодна програма и говор во дворот на Спомен куќата на Карпош во Куманово.
„Потоа наша делегација ќе појде во селото Биљача, каде што Христијан Тодоровски Карпош легендарниот командант, козјачката легенда, народниот херој на Југославија, го даде својот живот. И таму пред бистата на училиштето ќе положиме цвеќе, а ќе дојдат и ќе присуствуваат и борци од Врање и Бујановац, - изјави Благе Јакимовски, секретар на Сојузот на борци Куманово.
На 26 февруари во селото Жегљане, борците ќе одбележет и 75 годишнината од формирањето на Трета МУБ. Заинтересираните граѓани можат да се пријават организирано да заминат на прославата во Жегљане.