Зачленете се во нашиот клуб на читатели и најновите текстови ќе ги добивате на вашата мејл адреса
Академскиот сликар Зоран Арсовски - Бабата од Куманово е првиот македонски ликовен уметник кој ќе има своја самостојна изложба во престижната галерија "Белградска тврдина" на Калемегдан во Белград.
Изложбата ќе трае од 22 август до 10 септември годинава. На изложбата ќе бидат претставени четириесетина дела работени во техниките масло и акрил. Изложбата го носи насловот "Тектонски пореметувања" тема која е актуелна за денешното време.
Проектот е избран од страна на стручниот уметничкиот совет на галеријата "Белградска тврдина" на годишен конкурс за 2019 година.
Зоран Арсовски - Бабата дипломираше и магистрираше на Националната ликовна академија во Софија насока сликарство. Зад себе има реализирано 7 самостојни изложби, учествувано на повеќе групни меѓународни ликовни колонии, изложби, проекти во земјава и странство.