Акција за чистење на речните корита во Куманово

Акцијата денеска започна од реката Којнарка во населбата Средорек, каде со багер се отстрануваа зараснатите дрвја и натрпаниот смет. Во наредниот период ќе продолжи и на други локации, поради нискиот водостој на реките.

- Паралелно со акцијата за чистење ќе спроведеме и превентивно-едукативна  акција и на сите граѓани ќе поделиме флаери, со кои ќе побараме да ставиме крај на загадување на животната природа и да се избориме за почиста животна средина, - изјави градоначалникот Максим Димитриевски.

Тој апелираше до граѓаните да бидат одговорни и совесни за да направиме почисто и поубваво место за живеење, а особено тоа се однесуваше на семејствата кои се покрај реката.  

- Сите кои ќе бидат фатени дека фрлаат шут и друг вид на отпад во речните корита и дивите депонии, ќе се соочат со казни од инспекциските служби. Од сега па натаму ќе постапуваме репресивно, а не превентивно, - додава градоначалникот.

Директорот на ЈП „Чистота и зеленило“ Даниел Стојчевски, потврди дека се дел од проектот на Општина Куманово, во која ќе се чистат сите диви депонии, а се косат и средуваат сите јавните површини.

- Како ќе се исчистат речните корита наши екипи ќе го соберат ѓубрето и работат на уредување на тие површини, - рече Стојчевски.

Средствата за акцијата се дел од проекто за чистење на градот кој изнесува од 5 до 10 милиони денари, а градежните машини се донација од приватни компании.