Зачленете се во нашиот клуб на читатели и најновите текстови ќе ги добивате на вашата мејл адреса
Во Старо Нагоричане, по повод Денот на Општината, денеска беше пуштен во сообраќај ново асфалтираниот пат кон селото Никуљане. Реализирана е само првата фаза од патот што ги поврзува двете села во должина од 1800 метри.
Обезбедени се средства и за втората фаза, така да жителите на Никуљане и Старо Нагоричане во почетокот на 2011 година ќе добијат асфалтиран патен правец, кој ќе биде прооден и пристапен за жителите на овие села и за пошироката околина. Овој пат ќе значи подобра комуникација помеѓу жителите и побрзо одење и доаѓање од едно на друго место - рече градоначалникот на Општината Старо Нагоричане Миодраг Јовановиќ.
Работите ги изведува градежната фирма „Гранит„ од Скопје. Средствата се обезбедени од Агенцијата за патишта, и градоначалникот неможеше точно да каже колку средства се потрошени за оваа намена. На свеченоста по повод предавањето во употрба на патот присуствуваа претставници од општествено-политичкиот живот на општината и државата.
Зачленете се во нашиот клуб на читатели и најновите текстови ќе ги добивате на вашата мејл адреса
