Зачленете се во нашиот клуб на читатели и најновите текстови ќе ги добивате на вашата мејл адреса
Во Изложбениот салон на Центарот за култура “Трајко Прокопиев“ – Куманово, вечерва во 19.30 часот ќе биде отворена биеналната изложба на графики “Кумановски графичари 2018“.
На изложбата учествуваат уметниците: Зоран Јакимовски, Мирослава Цветковиќ, Стефан Јакимовски, Ханифе Ислами, Милена Арсовска, Валентина Илијевска, Наим Идризи, Симона Јакимовска, Ана Јовановска, Елеонора Накевска, Сандра Симоновска, Марио Стошевски и Дејвид Стоилковски.
На осмото издание на биеналната изложба “Кумановски графичари 2018“ ќе бидат претставени 27 графики работени во повеќе графички техники во период од последните неколку години.
Тринаесетте автори вклучени во овој проект се, сепак, на некој начин репрезент на моменталната состојба во локалното графичко творештво и даваат јасен пресек на нивото и во авторска и во техничка смисла. Во таа насока, вклученоста на автори од повеќе генерации говори дека нишката на континуитетот не е прекината, - напиша Роберт Цветковски,историчар на уметноста.
Изложбата е поддржана од Министерството за култура.