Зачленете се во нашиот клуб на читатели и најновите текстови ќе ги добивате на вашата мејл адреса
Министерството за економија денеска пред кумановските бизнисмени ги претстави актуелните повици за финансиска поддршка на микро, мали и средни претпријатија, женско претприемништво, занаетчии и вршители на занаетчиска дејност, како и за идните програми кои ќе се спроведуваат преку министерството.
„За првпат претставници од Министерствот се спуштаат меѓу граѓаните, фирмите, институциите да ја презентираат дел од програмата на министерството. Тука се мерките за малите и средните претпријатија, секторот индустрија, конкурентност и туризам. Она што е многу битно, што ги слушнавме мислењето на самите бизнисмени, и следната година ќе ги инкорпорираме нивните барања и ќе направиме подобри мерки и подобра програма, подобра стратегија и подобра политика за развој на бизнисот, - изјави Зоран Павловски, државeн секретар во Министерството за економија.
Бизнисмените најмногу се интересираа за мерката за мали и средни претпријатија за финансиска помош при купивање на алати и опрема. Со оваа мерка министерството субвенционира 60 отсто од вредноста на опремата до 300.000 денари.
Пред присутните бизнисмени се обратија и градоначалникот Максим Димитриевски и директорот на Центарот на североисточниот плански регион (СИПР) Младен Протиќ, кои истакнаа дека ќе создадат услови за развој на бизнисот и занаетчиството, заради подобрување на вкупната економска состојба во општината и регионот.
Зачленете се во нашиот клуб на читатели и најновите текстови ќе ги добивате на вашата мејл адреса
