Зачленете се во нашиот клуб на читатели и најновите текстови ќе ги добивате на вашата мејл адреса
Не сакаме да се препукуваме преку медиумите, туку градоначалникот да најде време кога може да се сретне со нас и официјално да поразговараме за проблемот.
Како Здружение на бранители во неколку наврати поднесовме барања и иницијативи до општинската администрација, Советот и претседателот на Советот во кои бараме од кабинетот да ни закаже средба со градоначалникот, Советот и советничките групи. Ние имаме архивирани барања со печат, заверени во архивата на Општината. Но доколку администрацијата во градот со која тој раководи несовесно си ја вршела својата работа, можеби тоа е и причината за неинформираноста на градоначалникот. Нашата цел не е да се препукуваме, туку сакаме во најскоро време да се реши овој проблем и еве јавно го повикувам градоначалникот да не извести за точниот термин кога ќе се сретнеме и официјално да поразговараме за нашиот проблем - рече Предраг Петрушевски претседател на Здружението на бранителите 2001, одговарајќи на обвинувањата дека не ја знае процедурата за изградба на спомен обележје во градот.