Ќе се прошири зоната за паркирање во градот

Директорот на претпријатието Фадиљ Шабани вели дека прават проекти за да ја пуштат во употреба зоната Б и Ц, но и ќе ги стават во функција паркингот на т.н. „Берза“, зад Комерцијално-инвестициона банка.  

 Предлогот е усвоен од предходниот Совет, со започнување на работа на претпријатието беше планиран и овој дел, но поради технички причини до сега не беше реализиран. Верувам дека во овој краток период ќе добиеме нови 40 до 60 паркинг места. Во тек е изградба на монатажната гаража во центарот на градот, така што очекуваме резултати во нашето работење, - изјави Шабани.

  На ЈП „Куманово-паркинг“ му се одземени ингеренциите за стопанисување со јавното осветлување, кое ќе се даде на концесија за наредните 10 години, па претпријатието ќе мора да го консолидира своето работење во основната дејност, односно паркинг службата.