500x100-1
11. 10. 2018 10:14

Честитка од градоначалникот Димитриевски за „11 Октомври“

Честитка од градоначалникот Димитриевски за „11 Октомври“

Градоначалникот на Куманово Максим Димитриевски, од свое име и од името на локалната самоуправа на сите граѓани им го честита празникот „11 Октомври“.

На овој ден им оддаваме почит на борците кои ги положија своите животи во народноослободителната и антифашистичка војна на Македонија, на сите херои кои беспоштедно ги дадоа своите животи за остварување на една цел – слободата. „11 Октомври“, Денот на народното востание е празник на нашата држава и нација. Наша обврска е да го чуваме она за што нашите предци го дадоа својот живот и да продолжиме да го даваме својот придонес во нашите заеднички заложби за зачувување на основните вредности на кои е втемелено нашето општество – соживот, меѓусебно разбирање и почитување. Нека ни е честит и вековит празникот „11 Октомври“- стои во честитката на градоначалникот Димитриевски.