Зачленете се во нашиот клуб на читатели и најновите текстови ќе ги добивате на вашата мејл адреса
Бебе од четири месеци од Куманово е едно од 13-те новозаболени од мали сипаници. Како што соопштуваат од Министерството за здравство детето е примено на лекување со пневмонија и не било вакцинирано против морбили.
„Од новозаболените четворица се возрасни, односно 37-годишна жена со потешка клиничка слика, 27-годишен маж од Чаир, 34-годишен од Велес со пневмонија со тешка клиничка слика и сериозна пневмонија, 33-годишен од Велес со бронијална астма и со пневмонија, кој бил невакциниран. На останатите тројца вакциналниот статус им е непознат. Меѓу новозаболените од сипаници се три деца од кои едното е од Тетово со тешка клиничка слика и сместено е на одделот за интензивно лекување, потоа 20-месечно дете од Кисела Вода и 4-месечно дете од Куманово со пневмонија. Сите деца се невакцинирани“, велат од Министерството за здравство.
На Клиниката за инфективни болести се лекуваат 21 заболен од мали сипаници, од кои 7 се возрасни и 14 се деца под една година.
Од Министерството апелираат сите невакцинирани да се вакцинираат, а досега се вакцинирани 7.985 деца.
Зачленете се во нашиот клуб на читатели и најновите текстови ќе ги добивате на вашата мејл адреса
