×
  • Насловна
  • Вести
  • Регион
  • Македонија
  • Спорт

  • Видео

  • Колумни
  • Интервју

  • По допрен глас
  • Репортажи
  • Ретроспектива

  • Погранична хроника
  • Фото вест - Ваша пошта!

  • Дезинформации
  • ПРОВЕРКА НА ФАКТИ:КОВИД-19
  • Проверка на факти: реформи кон ЕУ

  • Контакт
  • Политика на приватност
  • Импресум
  • Маркетинг стратегија
  • Понуда за рекламирање

  • Ден на дрвото - по пети пат

    30.03.2010 08:38 | KumanovoNews

     Под мотото „Растеме заедно„, денес се одржува петтата масовна акција Ден на дрвото. Во Куманово акцијата ќе се одвива на пет локации во селата Биљановце, Студена бара, Скачковце, Кучкарево и Пчиња на 150 хектари, при што ќе бидат засадени 600.000 садници и тоа црн и бел бор, чемпрес и јасен .

    Ден на дрвото - по пети пат

     За таа цел организаторите на акцијата ангажираа автобуси за бесплатен превоз до локациите на пошумување, кои започнувајќи од  9 часот наутро, ќе ротираат на секој два часа кај средните училишта „Перо Наков„, „Наце Буѓони„, „Киро Бурназ„ и гимназијата „Гоце Делчев„.

     Денот на дрвото ќе се одбележи и на граничниот премин „Табановце„ на македонско-српската граница. Во меѓупросторот на граничниот премин, полицајците и цариниците од двете страни, заедно ќе засадат повеќе зимзелени дрвца. На преминот најавено е  учество во пошумување и на на делегација од Холандија, која прстојува во државата и соработуваат со граничните служби. На пошумувањето во Кумановско ќе учествува министерот за транспорт и врски Миле Јанакиевски и заменик министерот за економија Методиј Хаџи Васков.

    Според најавите на организаторите, во рамки на  традиционалното пошумување, планирано е  да бидат засадени  вкупно 7,5 милиони садници. Во акцијата може да се вклучат сите граѓани на Република Македонија.

      Со одлука на Владата, поради организираните акции за пошумување, денес е неработен ден за сите граѓани на Република Македонија. Министертвото за труд и социјална политика соопшти дека овој ден ќе се одработи на 17 април, сабота.