Зачленете се во нашиот клуб на читатели и најновите текстови ќе ги добивате на вашата мејл адреса
До Денот на ослободувањето на градот, односно до празникот 11 Ноември, се очекува да заврши изградбата на кружниот тек на крстосницата на улиците „11 Октомври“ и „Трета МУБ“.
Градоначалникот на Куманово, Максим Димитриевски, вели дека имале сериозни технички проблеми при негова реализација, поради недефиниранатата подземна инсталација, но сепак проектот ќе заврши во рамките на предвиденото време.
„Во овој случај нема да сечеме лента ни за пуштање на кружниот тек, бидејќи тоа го доживувам како секојдневна моја работна задача и работна задача на сите вработени во Општината. Во моментот работиме, согласно тековните активности, и истиот кружен тек ќе биде ставен во фунција на сообраќајот до празникот 11 Ноември, а дополнително истиот ќе биде завршен, кортикултурно уреден од страна на ЈП „Чистота и зеленило“, веднаш по празниците",- изјави Димитриевски.
Целта на изградбата е со модерни сообраќајни решенија да се намали метежот во сообраќајот, а како што најави и градоначалникот, наредната година се очекува работа на уште вакви сообраќајни решенија.
Ова е првиот кружен тек во Куманово, а неколку раскрсници во градот се сметаат за црни точки во сообраќајот.
Изградбата е во рамките на развојната програма на Општина Куманово, заедно со изградба и реконструкција на улици.