Зачленете се во нашиот клуб на читатели и најновите текстови ќе ги добивате на вашата мејл адреса
Општините ќе управуваат со државното градежно неизградено земјиште од јули идната година.
Како што информираат од Министерството за транспорт и врски целиот процес на отуѓување и давање под закуп на градежното земјиште ќе се води во општините кои ќе ги исполнат пропишаните услови во предлог законот.
Општините за да располагаат со градежното земјиште ќе треба да имаат изготвено едногодишна програма, да имаат потребен број овластени вработени, комисија за јавно наддавање како и електронски систем за јавно наддавање. Во моментов ниту една општина не ги исполнува овие услови.
Цената на земјиштето ќе ја одредува градоначалникот во соработка со советот, а Владата ќе дава согласност за висината цената. При продажба на земјиштето 80 отсто од парите ќе одат на сметката на општините, а останатите 20 ги задржува државата.
Оној кој ќе го купил земјиштето не смее да го препродаде додека не добие употребана дозвола за изградениот објект.
Доколку не се почитува законот во министерството или во локалната самоуправа казните ќе се движат од 2.000 до 9.000 евра, а на одреден рок ќе им бидат одземани ингеренциите.