Два автомобили изгореа на паркингот зад „Тинекс“

Опожарени се Пежо 308 со скопски регистерски таблички, сопственост на Охридска банка и Пежо 106 со кумановски таблички, сопственост на семејство кое живее во зградата.

Пожарот во 16.30  часот прво се појавил на еден од автомобилите, а потоа зафатил и друг паркиран автомобил.

Од Противпожарната единица Куманово, информираат дека пожарот кај нив е пријавен во 16.30 часот. За три минути излегле на терен и започнале со гаснење. Пожарот целосно е изгаснат во 17.30 часот.

Во пожарот целосно изгорело службеното возило, а другото половично.

Причинета е голема матерјална штета.

Причините за пожарот допрва ќе се утврдуваат.