Зачленете се во нашиот клуб на читатели и најновите текстови ќе ги добивате на вашата мејл адреса
Во Уметничката галерија Куманово, вечерва во 19 часот ќе биде отворена етнолошката изложба „Градски вез-традиционалното и европското“ од Анита Ѓорѓиевска и Милица Пешевска- Николовска, вработени во Народниот музеј Куманово.
На изложбата ќе бидат прикажани стотина експонати рачни ракотворби: крпи, миљеа, завеси, перници, чаршафи, гоблени, ѕидни платна и други текстилни изработки, кои служеле за декорација во кумановските семејства.
“Целта на изложбата е да се покаже на јавноста везбената декорација на текстилните предмети кои се дел од збирката Народни ткаеници на Кумановскиот музеј и дел од позајмените предмети од градските семејстав, надополнети со ентериер од градска куќа.На текстилените предмети се прикажани неколку типови на везови, техника и орнаментика, кои се јавуваат во градот кон крајот на 19 и почетокот на 20 век. Во везовите се прикажани и техники и орнаменти усвоени од Европа“, - вели Ѓорѓиевска, виш кустос етнолог.
Изложбата ќе ја отворат Славица Христова и Татјана Ѓорѓиевска од Музеј на град Скопје.
Зачленете се во нашиот клуб на читатели и најновите текстови ќе ги добивате на вашата мејл адреса
