Зачленете се во нашиот клуб на читатели и најновите текстови ќе ги добивате на вашата мејл адреса
Во текот на вчерашното деноноќие екипите на Центарот за управување со кризи (ЦУК) и Општинскиот кризен штаб од Куманово(ОКШК) интервенирале во два случаи за спасување на лица заглавени во снег, во селото Горно и Долно Јачинце и на патот Војник-Куманово.
Во првата акција евакуирани се четири стари болни лица од Јачинце, а обезбедена е храна, лекови и храна за добитокот во домакинствата.
Синоќа во 23.10 часот било пријавено дека во селото Војник заглавено е возило во навев со снег на патот Војник-Бајловски пут, додека првезувало болно дете.
Веднаш била известена Брза помош, која излегла на терен и го пренела болното дете во Општата болница Куманово, а била известена и полицијата за помош при извлекување на возилото.