Зачленете се во нашиот клуб на читатели и најновите текстови ќе ги добивате на вашата мејл адреса
При крај е реализацијата на проектот „Традицијата низ слики“, кој го имплементира здружението на жени „Коло на српските сестри од Куманово“, во соработка со здруженијата „Мајка“, Сирма и Куманово-виор.
Во проектот се вклучени 11 жени и четворица мажи, кои во изминатите четири месеци поминаа четири работилници за обука и 16 работилници за изработка на витраж на стакло.
„Сликаме стари предмети од старите занаети за да на овој начин ги сочуваме од заборав, преку новата техника. Изработени се 120 предмети за кои ќе се изработи каталог. Во септември ќе организираме продажен базар, а прибраните средства ќе бидат наменети за обучените учесници во проектот, кои се на возраст од 25 до 35 години и не се вработени, за да обезбедат матерјал и во домашни услови да творат и да работат, за да обезбедат одреден приход за свеото семејтво, - изјави Живка Христовска, координатор на проектот „Традицијата низ слики“, во рамките на регионалната програма за локална демократија на Западен Балкан, финсирана од ЕУ.
Проектот е поддржан од УНДП и локалната самоуправа Куманово.