Фото клуб Куманово организира бесплатна фото школа

Фото школата ќе трае од октомври до јуни наредната година, а тематски ќе биде поделена на два дела:

Првиот дел ќе опфаќа предавања од историјата и филозофијата на фотографијата како и техничките (аналогна фотографија и филм, бленда, експозиција, ISO сензитивност, фокус) и естетските (кадар, композиција, боја, текстура и сл.) сегменти на фотографската уметност.

Вториот дел од школата ќе биде посветен на дигитална манипулација со фотографии и користење на Adobe Photoshop.

За време на фото-школата ќе бидат ораганизирани повеќе фото-сафари дружења во Куманово и околината. Исто така, раководителите на фото школата ќе се потрудат да овозможат предавања на познати домашни и светски фотографи со цел доближување на курсисте до актуелните трендови во уметничката фотографија. Планирани се и напредни фото курсеви на теми како црно-бела (noir) фотографија, астрофотографија, фотографски звања и др, - соопштуваат од Фото клуб Куманово.

Предавањата ќе ги држи искусниот фотограф Владимир Јовановски, заедно со членовите на фото клуб Куманово – Марина Крстиќ, Александар Драгишевски и Стефан Илиевски. Предавањата ќе бидат одржувани во просториите на фото клуб Куманово на адреса: Титова Митровачка бр.2, нас. Гоце Делчев, Куманово.

Курсистите што ќе ја завршат фото школата ќе се стекнат со сертификат за завршен курс издаден од страна на фото клуб Куманово и со тоа ќе добијат право да станат членови на клубот. Пресек од најуспешните фотографии на курсистите ќе биде изложен на Малински фото фестивал 2019.

Уписите се до 1 октомври.

Повеќе информации на: [email protected].