Зачленете се во нашиот клуб на читатели и најновите текстови ќе ги добивате на вашата мејл адреса
Професорот Љубомир Фрчковски денеска ја повика Владата да не води инат на стечајците, туку да покаже солидарност и да ги посети што побрзо за да најде решение за нивниот проблем, бидејќи луѓето штрајкуваат со глад веќе втор месец.
-Упатувам апел до политичката гарнитура за која јас немам никакви симпатии, а тоа е оваа Влада. Мислам дека грешат и кон своите граѓани треба да покажат солидарност, наспроти се. Државата тера инает со нив, оваа гарнитура политичари рекла не, и сега знаете какви се, тоа се деца кои се инаетчии и сега не сакаат да го кршат зборот. Меѓутоа луѓето страдаат, не можат да бидат така арогантни, ова не е играчка. Еве да не се чувствуваат толку навредени што можеби ќе си го прекршат зборот и ќе им помогнат на луѓево, а има начин, не се работи за големи пари. И во целава криза тие можат тоа да го средат без проблем- изјави Фрчковски по средбата со стечајците.
Тој најави дека ќе собере група професори кои ја правеле приватизацијата за да ја расчисти дилемата дали стечајците останале без работа од привани или државни фирми.
-Тоа префрлување од жртви на државна приватизација во жртви од приватните менаџери е една нечесна игра која Владата ја прави кон нив. Ја не знам за колкав број се работи и зошто Владата се плаши? Ќе излезе дека околу 5000 стечајци се најпогодени и тоа се мали пари во однос на другите трошоци што ги прават, а имаат и правна основа. Значи, не е ова некој подарок од нив туку е навистина решавање на нивниот проблем за кој имаат право луѓето- рече Фрчковски.