Зачленете се во нашиот клуб на читатели и најновите текстови ќе ги добивате на вашата мејл адреса
Ученици и професори од Гимназија „Гоце Делчев“ од Куманово, деновиве престојуваат во Шпанија како дел од проектот „Мисли критички-делувај мудро“ (THINK critically - ACT wisely) на Програмата Еразмус +.
Во проектот се вклучени петмина ученици од втора и трета година, заедно со професорките Валентина Каранфиловиќ, координатор на проектот и Мери Маневска професор по англиски јазик, и од 21. до 28. април годинава ќе бидат на мобилност во Вила Реал -Шпанија.
Ова е втор проект од Еразмус + програмата што се реализира во ова училиште.
„Темата на која што се работи во Шпанија е имиграција, причините за нејзиното настанување и мерките кои што треба да се преземат за таа да се намали и спречи. Учениците, заедно со менторите изработија презентации на темата, но ќе се прикажат и презентации од Македонија, Куманово и од училиштето“, - вели Валентина Каранфиловиќ, координатор на проектот.
Таа додава дека со ваквите проекти нашата држава, но и нашиот град се афирмира, учениците и професорите се запознаваат со нивниот образовен систем, бидејќи ќе посетуваат и часови во училиштето IES PROFESSOR BROCH I LLOP во Вила Реал.