Го проболе со нож затоа што си го барал долгот

Повередениот М.С. се здобил со убодна рана од нож во пределеот на грбот и бил пренесен во кумановската болница, но поради сериозноста на повредата како итен случај е префрлен во Ургентен центар - Скопје. Таму било констатирана дека му е прободено белодробното крило, но се наоѓа вон животна опасност.

Според МВР, пресметката се случила вчера околу 17 часот во селото Матејче пред куќата на Н.А.(37).Тепачката настанала  помеѓу Д.С.(35), Р.Е.(38), М.С.(36) и Ш.М.(19) од една страна и М.А., Н.А. и Е.А.(70), од друга страна. Во турканицата Н.А. со нож го нападнал и го повредил М.С.. Причина за пресметката била нерасчистен долг од 1300 евра, кој го имал М.А.. Бидејќи немал да ги врати парите Д.С., Р.Е., М.С. и Ш.М. го нападнале, по што во  тепачката се вклучила и другата група. Сите учесници во тепачката се приведени во СВР - Куманово од каде се пренесени во МЦ - Куманово каде им е укажана лекарска помош, по што се пуштени на домашно лекување. Увид на лице место извршила увидна екипа од СВР-Куманово и се работи на расчистување на случајот.