Зачленете се во нашиот клуб на читатели и најновите текстови ќе ги добивате на вашата мејл адреса
Во основното училиште „Кочо Рацин“ во Куманово, викендов се одржа промоција на книгата „Нашиот пат“ од авторите Марко Марковиќ GP и Стефан Рашковиќ Steffonator, во издание на Просветно дело.
„На промоцијата и потпишувањето на книгата дојдоа околу 2000 млади луѓе, кои истовремено се сликаат со своите омилени јутјубери. Младите кумановци чекаа и по неколку часа во ред за да стигнат до авторите, за сега и најпопуларни автори во Македонија“, - соопштуваат од Просветно дело.
„Нашиот пат“ е издание прогласено за најпродавана книга во Македонија. Првиот тираж е распродаден за час и половина за време на промоцијата на книгата во Скопје, а веќе е започната и турнеја за потпишување на книгата по градови. До сега опфатени беа следниве градови: Битола, Кавадарци и Куманово, а турнејата на Просветно дело со младите автори продолжува секоја сабота, и тоа во Охрид, Штип, Струмица и завршува со Прилеп. Се најавува и втора турнеја за која дополнително ќе видиме што се подготвува.