500x100-1
30. 08. 2010 17:16

Гостите од Кампина воодушевени од Кумановци

Гостите од Кампина воодушевени од Кумановци

Делегација од романскиот град Кампина неколку дена престојува во возвратна посета на Куманово. Градоначалниците на двата града денеска потпишаа меморандум за соработка и раменија искуства за работата на локалните самоуправи и двата совета.

Сметам дека оваа средба е вовед во една плодна и долга соработка помеѓу Романија и Македонија, и помеѓу овие два компатибилни градови. Особено тоа што Романија е членка на ЕУ ќе биде добар пример за имплементација на нашите проекти на Европските фондови. Се надевам дека оваа соработка ќе значи подршка и во регионалните искуства каде што најдобар пример е Кампина - рече градоначалникот Зоран Дамјановски.

Градоначалникот на Кампина се заблагодари за гостопримството и вети плодна соработка на сите полиња помеѓу двата града.Тој откри дека е изненаден од гостопримството на домаќините и убавините на Македонија.

Ние сме среќни што сме тука и сакаме да помогнеме во секој поглед.Главниот мотив на нашето зближување е бизнис секторот и ќе се збратимат двата града на културен и едукативен план. Во Романија во мај ќе се одржи фестивал и би сакал Кампина да ја посети некое културно-уметничко друштво. Сите можни соработки се отворени од наша страна, би сакале да соработуваме и со администрацијата да размениме искуства, а самото збратимување дополнително ќе даде можност за зближување и соработка помеѓу овие два града - рече Хорија Лаурентиу Тисенау, градоначалник на Кампина.

Гостите се сретанаа и со членовите на Советот на Општината Куманово.

Тие ќе ја посетат  Фабриката за заварени цевки и профили „11 Октомври“, пречистителната станица на ЈП „Водовод“ во селото Добрешне, расадникот на ЈП „Чистота и Зеленило“, Кумановогас. 

Кампина е лидер во нафтената индустрија во Романија.

Гостите од Кампина воодушевени од Кумановци