Зачленете се во нашиот клуб на читатели и најновите текстови ќе ги добивате на вашата мејл адреса
Поради неодговорност на одредени граѓани, возачи и учесници во сообраќајот, надлежните се жалат дека не се во можност непречено да го чистат снегот од улиците и тротоарите.
Да не се злоупотребуваат временските неприлики и да се врши уредно и прописно паркирање на возилата на места кои се исклучително предвидени, обележени и наменети како паркинг простор, оти истите влијаат над можноста за добра реакција на службата за одржување, - информираат од Регионалниот центар за управување со кризи (РЦУК).
Од таму додават дека екипите за одржување на патиштата во зимски услови се континуирано на терен и вршат чистење и солење на улиците во градското подрачје. Локалните патни правци кон населбите Пуковско, Тромеѓе и Билјановце се расчистени и по истите сообраќајот е функционален.
Во моментот во Куманово снежната покривка изнесува 10 сантимерти снег, сите локални патни правци во општината редовно се чистат (со плужење и фрлање на смеса од сол и ситна ризла), но со оглед на континуираните врнежи од снег истите се сеуште заснежени, влажни и лизгави.
Се препорачува внимателно и предпазливо движење, а сооглед на ниските температури кои се изразени во попладневните и вечерните часови поради можноста од нивно замрзнување се препорачува прилагодување на условите на времето и патиштата.
Регионалните патишта во моментот се проодни, но со назнака за внимателно движење во зимски услови, во моментот има пообилни врнежи од снег и се очекува да предизвикаат дополнителни проблеми, отежнато одвивање на сообраќајот.
На повисоките места снежната покривка достигнува висина од над 30 тина сантиметри. Приградските и селата кои го опкружуваат градот во зависност од тоа дали движењето е по регионалните или локалните патни правци претставуваат поголем проблем за чистење и кон нив ке се пристапи согласно планот на градот во втора и трета фаза.