Граѓаните преку анкета може да предлагаат нови автобуски линии, велосипедски патеки и пешачки зони

Граѓаните преку онлајн прашалник, кое е објавен на сајтот на Општината, можат да одговорат на повеќе прашања кои се однесуваат на подобрување на ефикасноста на транспортната мрежа, намалување на влијанието на сообраќајот врз животната средина, осигурување на пристапни транспортни опции за сите граѓани, осигурување на безбедност во урбаниот транспортен систем и подобрување на квалитетот на живот на граѓаните.

„За идното планирање на урбаниот транспортот во градот неопходно е да се познаваат навиките и однесувањето при патувањата на граѓаните. За таа цел неопходно е да се спроведе истражување на сегашната ситуација со урбаната мобилност, заради идно планирање на мерките во согласност со потребите за патување. Тоа може да значи планирање на нови линии на јавен превоз, планирање на нови велосипедски патеки, планирање на нови пешачки зони и итн, - стои во образложението на анкетата.

Преку ова истражување ќе се добијат статистички податоци за навиките на патувањето, користењето на различните видови на транспорт како и ставови, односно мислења на граѓаните, во врска со политиките за урбаниот транспорт, сообраќајната инфраструктура и транспортната услуга. Тоа на локалните власти ќе им обезбеди потребни информации кои ќе им помогнат во донесување на одлуки во однос на мерките кои треба да се преземат за подобрување на урбаната мобилност и квалитетот на живот на граѓаните.