Зачленете се во нашиот клуб на читатели и најновите текстови ќе ги добивате на вашата мејл адреса
Граѓаните се погласно ја прашуваат локалната власт, кога ќе спроведе авионско прскање против комарците, бидејќи во градот има наезда од овие инсекти.
Од Општина Куманово велат дека вчера е потпишан договор за авиотретирање против комарци и истото ќе биде реализирано во најкус можен рок, согласно временските услови.
„Во планот за јавни набавки има предвидено и авионско третирање против комарци, која поради драстично повисоки понуди од проценентата вредност која изнесува 400.000 денари без ДДВ, во три наврати беше поништена. Денеска имаше јавно отварање по четврти пат, поднесена е една понуда која е прифатена за најповолен понудувач“, - соопштуваат од Општината.
За терминот на прскањето граѓаните, а посебно пчеларите и земјоделците, ќе бидат навремено информирани преку медиумите.
Во текот на месец април спроведени се три третмани против комарци од земја, за што од Буџетот на Општината биле одвоени 600.000 денари без вклучен ДДВ.
Зачленете се во нашиот клуб на читатели и најновите текстови ќе ги добивате на вашата мејл адреса
