Зачленете се во нашиот клуб на читатели и најновите текстови ќе ги добивате на вашата мејл адреса
КУД “Панче Пешев” од Куманово, се закити со Гранд при за освоено прво место за најдобро културно уметничко друштво и диплома за најдобар оркестар, на Меѓународниот собир на културно творештво, кој викендов се одржа во Косовска Митровица.
На друштвото му беше доделено и фестивалското знаме во трајна сопственост.
„На собирот настапија културно-уметнички друштва од Требиње, Подгорица, Белград, Ужице, Софија, Звечан, Бање и Косовска Митровица. КУД „Панче Пешев“, по втор пат е севкупен победник на фестивалот. Наградата сведочи дека друштвото на достоен начин го негува и презентира македонскиот фолклор и традиција, - изјави Мирослав Крстевски, претседател на друштвото.
Викендот што следи КУД „Панче Пешев“ организира Меѓународна ревија на фолклорни ансамбли, со поддршка на Општина Куманово и Општина Старо Нагоричане.
Друштвото оваа година ќе земе учество на уште неколку меѓународни фестивали меѓу кои издвојуваме: Меѓународниот фолклорен фестивал во Аленсон (Франција) и Меѓународниот фестивал “Илинденски денови” во Битола.
Зачленете се во нашиот клуб на читатели и најновите текстови ќе ги добивате на вашата мејл адреса
