Зачленете се во нашиот клуб на читатели и најновите текстови ќе ги добивате на вашата мејл адреса
Културно-уметничкото друштво „Панче Пешев“, викендов ја освои наградата за најдобар настап на меѓународниот фолклорен фестивал „Тодорица“ во Свети Николе.
На манифестацијата учествуваа ансамбли од Македонија, Србија, Босна и Херцеговина, кои негуваат изворен фолклор.
„Културно -уметничкото друштво „Панче Пешев“ се претстави со изворна игра и со обичајот китење на брада. Во конкуренција од 14 ансамбли, „Панче Пешев“ освои Гран при на самиот фестивал, на кој што имаме учествувано и порано. Посебно задоволство беше кога жирито не прогласи за најдобри, тоа е еден стимул за повеќе да се работи, - изјави Мирослав Крстевски, претседател на КУД „Панче Пешев“ Куманово
Фестивалот на изворен фолклор годинава се одржа по 19 пат, а од 2003 година има и меѓународен карактер, заради учество на фолклорни ансамбли од други земји.
Организатор на манифестацијата е локалната самоуправа на Општина Свети Николе и Домот на културата „Крсте Петков Мисирков“.