Зачленете се во нашиот клуб на читатели и најновите текстови ќе ги добивате на вашата мејл адреса
Во организација на Регионалната занаетчиска комора денеска во Куманово се одржа советување за примена на ХАСАП системот. Присутните занатечии, но и преставници од приватни претпријатија за производство на храна имаа можност да слушнат за обврските и можните репрeсивни законски мерки за непочитување на ХАСАП стандардот.
Консултанти од "Фуд Консалтинг" ги објаснуваа принципите кои мора да ги исполнат производителите, дистрибутерите на храна.
Ги објаснивме одредбите од правилникот со кој се одредуваат санитарно-хигиенските услови што треба да ги исполнуваат,производителите, трговците, занатечиите и угостителите, кои на каков било начин се вклучени во ланецот на производство, продажба на храна и пијалоци - вели Вања Петрушевска, консултант.
Регионалната занатечиска комора која е организатор на денешното советување најави дека за еден месец повторно ќе организира предавање за занаетчиите од шесте општини Куманово,Кратово, Крива Паланка, Липково, Старо Нагоричане и Ранковце.
Сметаме дека со постојано советување ќе придонесеме што е можно побрзо имплементирање на стандардите и кај занаетчиите,бидејќи само на овој начин тие стануваат поконкурентни на пазарот - вели Бајрам Сулејмани,претседател на регионалната занаетчиска комора.