Зачленете се во нашиот клуб на читатели и најновите текстови ќе ги добивате на вашата мејл адреса
Спомен плочата на претседателот на поранешната СФРЈ, Јосип Броз -Тито, која се наоѓа во центарот на Куманово, вечерва е ишарана со црна боја, нацртан е кукаст крст и испишани се навредливи пораки.
Не е познато кој го вандализирал споменикот и го исцртал нацистичкиот симбол.
Градоначалникот на Куманово Максим Димитриевски на Фејсбук го осуди овој грозоморен настан и апелираше до надлежните да го пронајдат сторителот и изведат пред лицето на правдата.
„Не е прв пат да се сквернават споменици од НОБ, ваквите нечовечки акти нема да не поколебаат да ги негуваме придобивките на партизаните од НОБ и Јосип Броз Тито кои се бореа против најголемо зло на човештвото фашизмот и ни овозможија да ние денеска живееме во слободна и независна држава Република Македонија“, - порача Димитриевски.
И претседателката на Советот на Општина Куманово Атина Мургашанска, за срамно и кукавички го оцени однесување на поединци, кои стојат зад овој немил настан.
Граѓаните на Куманово се згрозени од вандализмот и бараат извршителите на ова дело да се казнат.
Сквернавењето на споменикот се случи на 25 Мај, на некогашниот Ден на младоста кога се славеше роденденот на врховниот командатн и претседател. Денеска на споменикот подржувачите на Тито положија цвеќе и го одбележаа овој датум.
Зачленете се во нашиот клуб на читатели и најновите текстови ќе ги добивате на вашата мејл адреса
