Зачленете се во нашиот клуб на читатели и најновите текстови ќе ги добивате на вашата мејл адреса
Општината Старо Нагоричане по повод Денот на Екологијата вчера превзеде активности за чистење на дивите депонии во општината. Чистењето беше изведено на релација од Зебрњачки пат до школото во Смиљчинци - Младо Нагоричане.
Отпадот е таложен повеќе години од несовесните жители кои гравитираат кон Општина Старо Нагоричане и го користат овој пат.
Во заедничката акција на Општина Старо Нагоричане и жителите на маала Брадиновци и околните маали на Младо Нагоричане, градежната механизација и приватните трактори, целокупниот отпад од повеќе од 100 м³е соберен и складиран.
На истото место ќе бидат поставени знаци со натпис за забрането фрлање на смет, а екипите од Инспекциското одделение при Општина Старо Нагоричане ќе дежураат и секој што ќе фрли отпад најстрого ќе биде казнет според законските прописи на Р. Македонија.