Зачленете се во нашиот клуб на читатели и најновите текстови ќе ги добивате на вашата мејл адреса
Во Уметничката галерија при НУ Музеј-Куманово, утре во 19.30 часот ќе биде отворена изложбата “ Фемиграции “ – уметност за правата на бегалците, во организација на Македонското здружение на млади правници од Скопје и УСАИД.
Изложбата преку 21 ликовно дело и видео-арт презентации, изработени од жени уметнички за жените бегалки, го разоткрива големит наратив на бегалските кризи, за жената бегалка која храбро мигрира на друго место во потрага по услови за подобар живот.
Продукцијата нуди еден интересен, ликовно - концептуален аспект, како секоја од авторките различно, на свој начин, го третира феноменот за човековите права, за правата на бегалците, во прв ред правата на жените бегалки.
Изложбата за сите љубители на уметноста ќе биде отворена до 27 април годинава.