Изложба „Форми во црно“ на Мице Јанкуловски во Уметничката галерија

Изложбата ќе ја отвори проф. д-р Милан Јазбец, амбасадор на Република Словенија во Македонија.

„Мице Јанкуловски е исклучителен мултимедијален уметник кој истражувал различни дисциплини во уметност од неговата најрана возраст – од цртеж до слика, користејќи различни материјали и техники, вклучувајќи сатирично сликарство на стакло, од палиндром до карикатури и анимирани филмови. Неговото творештво кое опфаќа различни медиуми го рефлектира неговиот поглед кон светот како реалност која постојано се менува, во која многу работи се движат низ времето и просторот, преклопувајќи се на рамнина која се протега бескрајно далеку“,-  информираат од Уметничката галерија.

Јанкуловски има одржано над педесет самостојни изложби во престижни простори во својата земја и на меѓународната сцена. Добитник е на престижни награди во областа на уметноста.

Оваа година, Мице Јанкуловски, обележува 50 години уметничко творештво, а неговите дела ќе бидат прикажани и во: во Прилеп, Куманово, Тетово, Торино, Италија; Ст. Петерсбург, Русија и Солун, Грција – изложба со дела од Пикасо.