Зачленете се во нашиот клуб на читатели и најновите текстови ќе ги добивате на вашата мејл адреса
Во Уметничка галерија денеска ќе биде поставена изложба на академскиот сликар Димитар Малиданов.
Авторот е роден на 5 декември 1946 година во Саракиново, Воденско. Во 1972 година дипломирал на одделот за сликарство на Академијата за ликовна уметност во Љубљана кај проф. Габриел Ступица.
Набргу по отворањето на Факултетот за ликовни уметности (ФЛУ) во Скопје тој се вработил како професор по графика. На ФЛУ работел од 1981-2012 год. Од 2006-2010 год. бил и декан на ФЛУ.
Досега имал триесеттина самостојни изложби, а учествовал и на преку 200 групни изложби во Република Македонија и надвор од неа. Покрај тоа учествува на ликовни колонии и работилници дома и во странство.
За својата уметничка и педагошка работа Малиданов има добиено високи награди и признанија. Добитник е на највисоката награда за уметност на Република Македонија, награда 11 октомври.
Изложбата се реализира во соработка со Дирекцијата за култура и уметност од Скопје, и ке трае до 25 март.
Зачленете се во нашиот клуб на читатели и најновите текстови ќе ги добивате на вашата мејл адреса
