Зачленете се во нашиот клуб на читатели и најновите текстови ќе ги добивате на вашата мејл адреса
Утре вечер во 19.30 часот во Изложбениот салон на Центарот за култура „Трајко Прокопиев“ ќе се отвори изложба на слики, скулптури, графики и фотографии на Друштвото на ликовни уметници на Гевгелија.
На изложбата со по едно дело, пред кумановската публика ќе се претстават со слики : Вангел Срнаков, Никола Бутров, Зоран Карагонов, Стела Динова, Миле Петров, Гордана Петрова, Катерина Чугунска, Дане Јанев, Мирјана Крстева Массети, Димитар Гаспар, Глигор Старделов, Атанас Крстев, Драги Хаџиниколов и Зафир Хаџидимитров. Графики ќе изложат Дамјан Ѓуров, Горан Јованов, скулптури Перо Кованцалиев, Гордана Хаџиниколова, а со фотографија Иван Калчев, Миле Ничевски и Ирена Пејовиќ.
Друштвото брои четириесетина члена, а своите активности ги презентираат преку организирање на годишни изложби и гостувања во поголеми галериски центри.