×
  • Насловна
  • Вести
  • Регион
  • Македонија
  • Спорт

  • Видео

  • Колумни
  • Интервју

  • По допрен глас
  • Репортажи
  • Ретроспектива

  • Погранична хроника
  • Фото вест - Ваша пошта!

  • Дезинформации
  • ПРОВЕРКА НА ФАКТИ:КОВИД-19
  • Проверка на факти: реформи кон ЕУ

  • Контакт
  • Политика на приватност
  • Импресум
  • Маркетинг стратегија
  • Понуда за рекламирање

  • Изложба на слики на Христо Петрески во Куманово

    07.02.2018 09:12 | KumanovoNews

    Во Изложбениот салон на  Центарот за култура “Трајко Прокопиев“ - Куманово, утре во 19.30 часот ќе биде отворена изложбата на слики со наслов “Пишување со бои: стихови, соништа, слики“ од авторот Христо Петрески.

    Изложба на слики на Христо Петрески во Куманово

    Се работи за 25 дела од поновиот опус на Петрески којшто за првпат ќе биде презентиран пред кумановската публика.

    Проф.д-р Христо Петрески е писател кој интензивно со сликарство се занимава од 2012 година. Досега има повеќе од петнаесет самостојни изложби во земјава и странство. Беше учесник на Мултимедијалната колонија Битола и на меѓународните ликовни колонии во Пелинце (Македонија) и Врањска бања (Србија). Пишува ликовна критика и автор е на книгата “Ликовната уметност е она што (не) се гледа“. Еден цел тематски број (140 страници А-4 формат) од меѓународното списание “Диоген про култура“ беше посветен на ликовното творештво на Христо Петрески и беше наречен “уметник на иднината“. Објавени се повеќе негови книжевни дела со негови илустрации, а со негови илустрации се илустрирани и книги од други автори.

    Изложбата во Куманово ќе биде поставена до 21 февруари.