500x100-1
11. 09. 2019 08:54

Изложба на слики на кумановецот Арсовски во Књажевац

Изложба на слики на кумановецот Арсовски во Књажевац

Академскиот ликовен уметник Зоран Арсовски – Бабата, ќе ги презентира своите слики пред публиката во Књажевац, Србија.

Самостојна изложба ќе биде отворена вечерва во 19 часот во  во Уметничка галерија во Књажевац.

Арсовски претходно имаше изложбата во престижната „Галерија – Белградска тврдина на Калемегдан” во Белград со наслов „Тектонски пореметувања”, која наиде на одличен преим кај публиката.

Зоран Арсовски – Бабата е роден во Куманово. Магистрирал на Националната Ликовна Академија во Софија во класата на професорите Станислав Памукчиев и Божидар Бојаџиев. Член е на Друштвото на Ликовни Уметници на Македонија (ДЛУМ). Оваа изложба ќе му биде девето самостојно претставување пред пошироката јавност. Има учествувано на повеќе групни меѓународни ликовни колонии, изложби, проекти, симпозиуми во земјава и странство. Работи во Национална Установа Центар за култура „Трајко Прокопиев” во Куманово како стручен соработник за визуелни уметности, архитектура и дизајн.