Зачленете се во нашиот клуб на читатели и најновите текстови ќе ги добивате на вашата мејл адреса
Во Дописниот центар во Куманово секојдневно доаѓаат граѓани загрижени како да ја платат таксата за Македонската радиотелевизија и прашуваат за поединостите околу плаќањето на оваа јавна давачка.
Новинарите - дописници на повеќе медиуми,незнаат како да им помогнат на граѓаните и им советуваат да заминат на шалтерите во централата на МТВ за да го решат проблемот.
Сакам да платам, ама немам решение за да знам под кој број да уплатам.Постојано најавуваат дека ќе ги казнуваат оние што не платиле. Каде да се обратам за ми објаснат. Државата само ни дава примери како функционирала наплатата на јавните сервиси во другите држави и гледа на секој начин да ни земе пари, а не сака да создаде елементарни услови во опслужување на даночните обврзници и да преземе нешто да ги заштити граѓаните - вели една постара жена.
Иста такава навалица од засегнати граѓани имаше и изминатите месеци.Тие доаѓаа поради блокирани сметки, а не добиле решенија за наплата.
Директорот на МТВ Ефтим Гаштов во телефонски разговор ни рече дека граѓаните за претплтата можат да се јават на телефон 02 55 11 798 во Правната служба на МТВ, од каде понатаму ќе бидат упатени како да си го решат проблемот.
Инаку, близу две децении во Куманово е затворен наплатниот центар на МРТВ во кој граѓаните можеа да се информираат за сите проблени вразани со претплатата и да си ги подмируваат сметките. Граѓаните реагираат поради тоа што Куманово и соседните општини со над 150 илјади жители немаат можност тука да го решат проблемот, туку за банална работа треба да одат до Скопје.
Зачленете се во нашиот клуб на читатели и најновите текстови ќе ги добивате на вашата мејл адреса
