Зачленете се во нашиот клуб на читатели и најновите текстови ќе ги добивате на вашата мејл адреса
Кумановските инспектори во изминатите три месеци напишале 27 казни и 58 опомени на граѓани, кои го прекршиле законот за јавна чистота и животна средина.
Најголем дел од казните се однесуваат за фрлање отпад на јавен простор, а потоа и палење на отворен простор. Казната за овие прекршоци за физички лица изнесува 50 и 200 евра.
- Сакам да се заблагодарам на граѓаните кои соработуваа со нас во изминатиот период, и да ги охрабрат во наредниот период да помогнат да ги идентификуваме граѓаните кои што го прекршуваат законот за јавна чистота, законот за градење, коминални дејностио и животна средина, - изјави Бобан Бојковски, раководител на Секторот за инспекциски надзор.
Секторот за инспекциски надзор воведе и втора смена, односно дежурства со цел да ги открие прекршителите на законот за заштита на животната средина.
Во наредниот период ќе се спроведат акции со СВР Куманово, за санкционирање на несовесните граѓани кои палат отпад, бидејќи со тоа се загрозува и општата опасност на граѓаните и тоа е кривично дело.