Зачленете се во нашиот клуб на читатели и најновите текстови ќе ги добивате на вашата мејл адреса
Босанската поп ѕвезда Хари Варешановиќ и групата Хари Мата Хари, вечерва ќе одржат концерт на градскиот плоштад во Куманово. Концертот го организира Општината, по повод прославата на 11 Ноември - Денот на ослободување на Куманово.
Според организаторите Фондацијата за спорт и култура, концертот ќе започне во 20.30 часот со локалните пејачи: Мартија Станојковиќ, Аулона Aјруалу и Бесим Мифтари, Марио Арангеловски, Мартинијан Кириловски и Ивона Јовановиќ.
Потоа ќе следува настапот на звездата на вечерта Варешановиќ, а концертот ќе трае околу 2,5 часа.
Синоќа на градскиот плоштад пееше доајенот на тамбурашката староградска музика Звонко Богдан, а предгрупи му беа Кумановски Тамбураши и Сандра Митковска.
Општина Куманово оваа година организира два концерти на градскиот плоштад, во пресрет на Денот на Општината.
Зачленете се во нашиот клуб на читатели и најновите текстови ќе ги добивате на вашата мејл адреса
