Зачленете се во нашиот клуб на читатели и најновите текстови ќе ги добивате на вашата мејл адреса
Во малата сала на Центарот за култура “Трајко Прокопиев“ – Куманово, вечерва во 20 часот концерт ќе одржи пијано-дуо Гелебешеви. Концертот е дел од годишната програма и е подржан од страна на Министерството за култура на Република Македонија.
Пијано- дуото Гебелешеви го сочинуваат Катерина Гелебешева Костадиновска и Глигор Гелебешев, коишто на музичката сцена опстојуваат повеќе од 17 години. Настапувале речиси во сите градови во Македонија, како и на најзначајните музички фестивали во земјава: Охридско лето, Интерфест-Битола, Хераклејски Вечери-Битола, ДММ-Скопје, Златна Лира-Скопје, културни лета во Прилеп, Штип, Гевгелија, Кавадарци, Неготино, Куманово..
Со настапот на 21-06-2005 година (Светски Ден на Музиката),во Париз дуото ја започнува и својата меѓународна каријера. Следуваат настапи во: Полска, Романија, Бугарија, Холандија, Италија, Србија, Турција, Хрватска, Словенија, Босна и Херцеговина…
Својот прв носач на звук дуото го издава 2008 год. со дела од Б. Барток, Е. Шабрие, А. Хачатуријан, Ј. Дебиси и Ф. Шопен. Во 2011 година ја добива наградата Златна Лира од страна СМУМ (Сојуз на Музичките уметници на Македонија). Дуото во 2016 година го бележи и својот прв настап со македонската филхармонија изведувајќи го концертот за две пијана и оркестар од Ф. Пуланк.