КУД „Панче Пешев“ со повеќе настапи во земјава и странство

 Сезоната ќе ја отворат со гостување на Меѓународен фолклорен фестивал во Косовска Митровица, кој ќе се одржи од денеска до понеделник. Друштвото таму гостува неколку години по ред и го претставува македонскиот фолклор и традиција.

- На 29. јуни на градскиот плоштад во Куманово во соработка со градоначалникот и Советот на Општина Куманово организираме Меѓународната смотра на фолклорни ансамбли. На смотрата ќе земат учество 10 ансамбли од Македонија и соседните земји. На 30. јуни играорците ќе настапат и во Општина Старо Нагоричане, под покровителство на градоначалникот и Советот на Старо Нагоричане, - изјави претседателот на КУД „Панче Пешев“ Мирослав Крстевски.

Активностите продолжуваат на почетокот на јули со посета на Македонската црковна заедница „Кирил и Методиј“ во Париз и гостувањето на Меѓународниот фолклорен фестивал во Аленсон во Франција, а на крајот на месецот следува настап на Меѓународниот Фестивал „Илинденски денови“ во Битола.