Кумановец извадил 180000 долари од сметката на жена си

Парите ги повлекувал нејзиниот сопруг во договор со Директорот на подружницата и покрај тоа што жената претходно му го одзела полномошното зошто  почнал да го пречекорува договорениот месечен лимит на трошоци за семејството и парите немилосрдно да ги троши за ноќни забави во скопје. 

Шефот на кумановската експозитура на Тутунска банка, според СВР Куманово, лично се потпишувал на налозите и им наредувал на шалтерските работници да ги исплатуваат парите од девизната сметка, на лице кое не е овластено за тоа.

Средствата се повлечени во триесет наврати по околу 6000 долари за периот од неполни два месеци. Вработениот од банката кривично ќе се гони за злоупотреба на службените овластувања а 43. годишниот кумановец кој сторил измама, за потикнување на делото.