Кумановец жртва на компјутерска измама, уплатил 46,6 илјади евра на лажна сметка

 Трансакцијата ја извршил на 9 ноември годинава, па откако видел дека нема одговор од фирмата со која склучил купо-продажен договор, 33 годишниот кумановец, вчера случајот го пријавил во полиција.

Тогаш е утврдено дека во добиениот мејл од италијанската фирма проследен со потпишан купопродажен договор се добиени лажни податоци за плаќање во странство, односно името на фирмата примач е точна, но информациите за банкарски детали и банката на примач се лажни.

По извршениот телефонски разговор со лице претставник на фирмата оштетениот добил информации дека банкарски информации се неточни, а парите што се уплатени не се добиени на нивната сметка.

Од страна на СВР Куманово се преземаат мерки за целосно расчистување на случајот.